沪语海派方言集萃第六十七篇翻译(沪语是哪里的方言)
导语：沪语，海派方言集萃第六十七篇
吃字篇（五）
吃字五字：
1.吃饱着暖热：满足生存基本需求。
例句：尤其是冬天，勿却埃东西，身朗乡呒么一埃热气，身体会冷得瑟瑟发抖，而切了一些热腾腾额饭菜后，身体会发热，就勿会再觉得老冷，格叫吃饱着暖热，格阿是宁额基本需求，人一旦满足了基本需求后，就又会产生新的需求与想法，格是宁额本性。
2.吃惯糟卤汤：占人便宜成了习惯。
例句：喂，侬吃掼糟卤汤了得伐，自家勿摸一埃铜钿，老是想蹭宁家白食额。
3.吃力勿讨好：卖力为某人办事，却未获好感与肯定。
例句：对勿起，格种事体侬勿要差我去做，侬叫宁家去做，因为我勿想做格类吃力勿讨好额事体，我觉得不如歇歇为好额。
4.吃粒叹气糖：最终得到一丝安慰。
例句： “老张啊，侬最近那能回事体啊，我是看侬老是愁眉苦脸额，老张回说，“宁家赞讲养妮子（儿子）好，但我格额妮子已经是二十几岁额小伙子了，却啥额事体阿勿懂，阿勿出去，只勒勒窝里厢打打游戏，在网上购购物，啥额事体阿勿做，我烧拔伊切额末事，伊阿勿切，嫌我烧得不好切，天天叫外卖切，阿勿晓得去谈个女朋友、去成家，年纪是一天天上去了，我看伊是一埃阿勿急，”我听后讲，“侬勿用急额，格是晨光勿到，或者那（你）妮子呒么（没有）碰到好额女小宁伐，碰到了结婚了，就会收心额，再讲勒勒窝里厢有啥勿好啊，勿出去阿勿会闯祸，勿是蛮好吗，”老张听后像是吃了一粒叹气糖般，口中喃喃自语说，“唉，格到阿是，但我啥辰光可以抱抱孙子、孙女啊，”，我讲“侬勿要再自寻烦恼了，想开一点，我倒劝侬交那老太婆两嘎头呒么事体，出去散散心，去国内外旅游旅游，可以少了格份烦恼…”。
5.吃粮勿管事：报酬照拿，但百事不管。
例句：唉，现在很多事业单位较关行政门额领导啊，占着茅坑不拉屎，轻松得很，有烟瘾额乘宁勿嘞隑额时候在办公室喷喷香烟，有事体嘴巴嚯嚯叫收下宁去做，伊拉额日常工作就是坐在电脑台前浏览感兴趣的页面，喝喝奶茶、果茶或咖啡什么的，每逢每月五日或二十日拿拿工资工资与奖金，午餐后会约几个关系好额同事逛逛街，买买买，格种宁就是吃粮勿管事，天天勒勒混，每天如此，日脚是好过得勿得里格了，呵呵。
6.吃萝卜干饭：旧时指当学徒，现多指囚犯。
例句：侬想做高级厨师，要学手艺，格侬吃萝卜干饭要切腔霸了，平时药多多听从师傅的指教，呒么几年刻苦额学习，每日践行，知行合一，坚持始终，勿要想学到啥额本事额。
7.吃人家勿算：撮饭族的“白吃”心态。
例句：侬勿要老是有吃人家勿算格种心态啊，朋友之间，有来有去才行，至少是AA制，否则呒么宁会与侬做朋友额。
8.吃软不吃硬：接受以温和手段提出的要求而拒绝以强硬手段胁迫服从。
例句：有额宁寻我讲有事体要让我办，但伊一副吃相实在是勿好看，凶巴巴，像是命令去做、勿做要请我切生活似额，我讲，“有啥事体大家好商好量，勿要拿出一副像要切托宁额样子跟我讲闲话，勿切侬格一套，我脱侬讲，我格额宁是吃软不吃硬额”…。
9.吃外国火腿，被人踢。
例句：侬当心点，勿要惹（sha）我，当心我请侬吃外国火腿。
10.吃鱼勿翻身：这是吴江宴席上的规矩，若把鱼翻身，将来乘船时易翻船。
例句：某天，我请了二位要好额同学去一家本帮餐馆切中饭，我提议阿拉几个宁，每宁可以点两样小菜及一个自己欢喜额汤，菜勿论荤素，大家混了切，汤只自己切，得到回应后，我让伊拉先点，待二位点好后，我点了清蒸鲈鱼，当季素菜、长豇豆及一份酸辣汤，当切到鲈鱼时，觉得是米道老好，于是大家侬一筷我一筷，一歇歇功夫就将我点额鲈鱼额一面赞切光了，见此情景，我伸出筷子要翻鱼身，同学A看到后立马带着笑意脱我讲，“慧慧，有句老古话叫吃鱼勿翻身，切鱼翻身会有勿好额…，”我听后讲，我勿吓额，我又勿乘船，勿开船，我勿信格额邪，呒么啥吓头额，我偏要翻，有勿好额，我承担，”于是我旋即翻了鱼身，大家还是筷子点得额快，一埃阿勿谦虚，转眼间鱼赞切光，我对着同学A讲，“侬格只胆小鬼”，之后我是切伊拉点额菜，再脱大家各喊了一小碗饭，我是菜切切，饭切切，最后喝了自己点额酸辣汤，嗯，格额汤赞额，喷喷香、鲜香，又酸酸甜甜辣辣，切到嘴巴里还有一股麻麻微醉的感觉直冲后脑勺，那是新鲜上品的花椒所致，享受是也，哈哈哈。
11.吃奶像三分：小孩吃奶妈的奶便会长得跟奶妈有几分相像。
例句：“格额小宁那能脱之伊拉娘嘎像额啦”，回说，格有啥可以奇怪额，吃奶像三分啊。
12.吃弹簧屁股，坐在颠簸的车上。
例句：一天我与一个同学开着私家车直奔虹桥机场，去接另一个要好的同学，当越过北翟路当开到七星路地段时，一路上是吃尽弹簧屁股，格路段路况忒差劲了，到处是坑坑洼洼的，唉，饿是无语啊。
13.捏勿牢滑脱，指某人很是叼滑，遇事不妙会赶紧开溜。
例句：“老王，阿拉一道合作做埃生意好伐”，我回说，“小陆啊，我是了解侬格宁额，侬宁是蛮聪明，像活络板头一样，待宁阿蛮热情额，但侬聪明呒么用到正道上，用勒勒歪路子上，勿大守信，一旦碰到侬勿能了的或勿利额事体，侬会捏勿牢滑脱，开溜额，我已领教过，与侬合作，我呒么办法掌控，有事体我会吃搁头，我勿想呒么事体弄埃事体出来，对勿起，关于合作格种话题阿拉免谈”。
本文内容由快快网络小德整理编辑！