花都横潭村属于哪个街道(花都区横潭)

导语：我依家先知道，原来横潭是一个被花都人忽略嘅美食据点

系新华，藏住一片老旧住宅区，果度只有密密麻麻嘅一片旧楼，对于花都嘅街坊来讲，佢系花都最具有情怀嘅地方之一，佢就系横潭。

撑家姐细个果阵，就经常跟住妈妈去横潭买野。

横潭除咗有卖蔬菜水果之外，仲有日常用品，周边仲有好多接地气嘅美食店，佢地虽然无出面嘅网红店睇上去咁高贵优雅，但系胜在性价比高。

今日撑家姐决定带大家来横潭周边逛吃逛吃逛吃~

系商业大道嘅味康源养生堂，一直都系附近新中同秀中嘅学生饭堂。

撑家姐作为曾经系附近返过学嘅学生，咁梗系熟客仔啦！

撑家姐最中意就系味康源嘅煲仔饭啦，人均先15蚊左右，个煲饭料足到满出来，而且个煲有成个手掌咁大。可谓大件夹抵食！

沿住味康源旁边条巷行入去，有一间老字号钵仔糕——客家钵仔糕，相信唔少系横潭附近嘅撑友都应该帮衬过。

阿姨呢度嘅钵仔糕系传统嘅款式，口感更厚实，装系一只小陶瓷碗里面，用竹签沿着碗边刮一圈，再成块插起来食。

撑家姐本来今日想返来再试下阿姨嘅钵仔糕嘅，点知阿姨同撑家姐讲，今日嘅钵仔糕已经卖晒啦！

阿姨话，佢早上7点几就开档，每日卖到中午12点左右就卖晒。所以想试下阿姨嘅客家传统钵仔糕嘅撑友们就记住要早d去啦~

出咗味康源门口，向住新中方向行，系新中后门就一间饮品店，西柠鲜果饮品。

系钵仔糕店转出来就会见到有几家烧腊店，其中香满街烧腊系最老嘅烧腊店。

花都人最中意就系落街“斩料”！屋企有喜事要庆祝，屋企人会好开心咁系楼下烧腊铺斩料上嚟。

讲起横潭市场烧腊店，撑家姐第一时间就会霖起香满街烧腊，因为细个果阵，撑妈妈成日带撑家姐去呢家烧腊店斩料加餸~

沿住烧腊店再往前行系远芬粽子店啦，阿姨包嘅粽真系落足晒料。花生+红豆+眉豆+绿豆+板栗+咸蛋+香菇+瑶柱+双份五花肉的至尊组合，先7蚊！

糯米同豆类嘅分布刚好，口感软糯，猪肉一吃就知比较新鲜，7元嘅至尊粽子确实料很丰富，仲有礼盒装，怪唔得咁多人买啦~

经过粽子店，行过下一条巷就会见到一个阿叔推部车仔来卖凉拌。

呢个阿叔系横潭市场摆档摆咗好耐啦，撑家姐仲读紧中学果阵就经常同同学去帮衬。

阿叔凉拌嘅价钱一直都系咁便，6蚊就一大盒。阿叔份人好nice，见到着住校服嘅学生会打个折~

撑家姐都毕咗业咁多年啦，阿叔d凉拌味道仲系无变~

行到横潭牌坊，会见到有个阿姨系度摆牛杂档，摆咗20年啦。佢嘅牛杂价钱便到你唔敢相信！

牛杂两蚊一串，鱼蛋居然一蚊鸡就有四粒！牛肉丸一蚊三粒！

阿姨每日下午2点就出来摆档，摆到6点钟就返屋企。想要帮衬嘅撑友就要趁早啦~

从横潭牌坊直入，会见到一间八哥酸辣粉，中意食酸辣粉嘅撑友应该都唔陌生。

八哥酸辣粉虽然无舒服嘅环境，无网红嘅拍照素材，却是一家用淳朴嘅心做出来嘅酸辣粉，一切都咁自然、亲切。

店里最受欢迎当属酸辣粉，有薯粉、桂林米粉或河粉三种粉供选，也有面，根据自己的喜好选择。

中意食面嘅撑友可以选择面，大份嘅面，真系大到要溢出碗，同样配方嘅酸辣面，尤其早上来一碗，方便又顶肚。

行出横潭牌坊，向新中方向行，就会看见一间不是很起眼的甜品店——新口味甜品。

虽然新口味甜品个店面唔系好显眼，但其实佢系横潭牌坊对面已经开咗22年啦，系一对老夫妻经营嘅。

店里面所有糖水都系老板亲自煮，而且成间店净系卖糖水，无卖其他野。

即使净系卖糖水，老板同老板娘两个人每日都系做到踢晒脚，佢地每日下午2点开档，到凌晨2点。

想要去试下新口味甜品嘅撑友，就要记好个营业时间啦~

呢度嘅每一样甜品都好正，d味道令人霖起阿妈煮嘅糖水~

系新口味甜品门口再往前行d，就会见到新力园快餐店。

新力园快餐店开正系新中后门，好多新中嘅同学仔食厌咗学校饭堂嘅饭菜，就会组队出来试下d新嘢。佢地除咗去食，就系来新力园。

除咗新中嘅学生经常来帮趁之外，住系附近嘅街坊或者附近嘅上班族都会经常来帮衬。

新力园之所以咁受附近街坊欢迎，因为呢度嘅快餐，性价比真系好高，10蚊就有两肉两菜，13蚊就有三肉两菜。

而且店里面嘅环境都唔错，虽然装修简单，但系选用嘅都系大理石台凳，俾人嘅感觉就好干净整洁~

最后就系新中后门嘅西柠鲜果饮品店。

西柠嘅水果茶味道唔错，呢度除咗有野饮之外仲有手抓饼食。

见到系饮品店门口坐住嘅后生仔，就令撑家姐霖翻起，自己仲读紧中学嘅时候，每日放学一出门就梗要系学校后门买杯野饮，同朋友仔边行边饮。

系街市周边，边走边食，已经唔多见了。咁样慢悠悠嘅生活节奏，偶尔停下来，细细品尝市场入边嘅接地气美食，呢个都系生活嘅一种享受~

最后来一波投票，横潭周边的美食店，边一间系你最中意嘅？

互动留言

大家还知道哪里还有隐藏的美食？

留言话俾撑家姐知啦~

本文内容由快快网络小德整理编辑！